ضامي وجودك في حياتـي ودورت
نبعك وصوت بداخلي حيل ضاميـك
اتبع دروبك واليا وصلتك تسمـرت
المح سراب اقرب من البعد حاويـك
اشوف دنيا من كواكب بها صـرت
رحّال بين الريح وإعصار راجيـك
امشي أتوه من العطـش لاتذكـرت
شح الغمام بـدرب وحشـة لياليـك
أهيم واسأل فيك نبضي انا أحتـرت
علّه بعين الحـب يقـرا خطاويـك
يتوه في صحراء يجـاوب تكسـرت
وين الطريق بكون صامت يناديـك
ذي حالتي في غيبتـك ماتحـررت
اسير في حبك وعايـش بماضيـك
اسرح واغازل صورتك ماتذمـرت
اطلق صدى صوتي واردد غناويـك
ضاعت معالم جرح قيدك تصـورت
معصم تكسّـر دون لمسـة اياديـك
حروف تشكـي مانثرتـه وكـررت
بأرض ٍ تموت من العطش يا مماليك
حتى السماء تزخم بحرفي تدمـرت
لاخير فيني إن عشت دونك براضيك
روحي معك هذا عهد فيـه قـررت
لو عشت مع غيرك فلا نيب ناسيك
وسلامتكم